ඔබ මෝටර් රථ තාක්ෂණය ඉගෙන ගැනීමට උනන්දුවක් දක්වන්නේ නම් සහ දැනට ඒ පිළිබඳව පැහැදිලි අවබෝදයක් නැත්තම් පහත කොටස් පරිශීලනය කිරීමෙන් දල අවබෝදයක් ලබා ගත හැකිය. එමෙන්ම ඔබ තෝරා ගන්නා පාඨමාලව සහ එම පාඨමාලව සමග ඔබ ලබා ගත යුතු අමතර දැනුමද සඳහන් කර ඇත. මෙම තොරතුරු 2026 අප්රේල් මසට යාවත්කාලීන තොරතුරු වන අතර , ඔබ විශේෂයෙම්ම විදේශ ගත රැකියාවක් බලාපොරොත්තුවෙන් මෙම පාඨමාලා හදාරන්නේ නම් එම තොරතුරු පිළිබඳව විශේෂ අවධානයක් යොමු කරන්න.
මීට අමතරව ඔබේ අවශ්යතාවය අනුව අපට ඔබ හට මග පෙන්වීමක් නොමිලේ ලබාදිය හැකි අතර ඒ සඳහා ඉල්ලීම් අපගේ ෆේස්බුක් පිටුව හරහා අපවෙත ලැබීමට සලස්වන්න. පාඨමාලාවක් තෝරාගත් පසු අදාල ආයතන මොනවාද යන්න දැනගැනීමට අපගේ “තාක්ෂණික ආයතන” පිටුවට යොමු වන්න.
ඔබ පහත කුමන පාඨමාලවක් තෝරා ගතටද පහත කරුණු වලට අදාලව තෝරාගත යුතුය. එසේ නොවුන හොත් ඔබට මෙම ක්ෂෙත්රය ඉක්මනින් ඉදිරියට යාමට එය බාධාවක් විය හැකිය.
* පාඨමාලාවේ අවම සිද්ද්ධන්තික කාලය වසරක් විය යුතුය. ඔබ මස හයක පාඨමාලාවක් තෝරා ගන්නේ නම් පුහුණු කාලය හෝ අවම වශයෙන් වසරක් විය යුතුය.
*පිළිගත් ආයතනයක් විය යුතුය.
* NVQ පාඨමාලාවක් විය යුතුය.
අනෙකුත් වැඩි විස්තර සඳහා අපගේ මාර්ගෝපදේශන පිටුවට යොමු වන්න
මෝටර් රථ ක්ෂේත්රය හා සබැඳුනු ප්රධාන පාඨමාලා
වැඩි විස්තර සඳහා අදාළ පාඨමාලාව ක්ලික් කරන්න. අද ලෝකයේ භාවිතාව මත සහ වැදගත්කම අනුව මුල සිට අගට පෙළ ගස්වා ඇත.
Automobile Technician
මෝටර් රථ තාක්ෂණික ශිල්පී
මෝටර් රථ කාර්මික ශිල්පය පිළිබඳව අවබෝදයක් ලබා දේ. විශේෂයෙන් එන්ජිම, ගියර් පද්ධතිය , වැනි යාන්ත්රික පද්ධති ගැලවීම අලුත්වැඩියාව මෙයට අදාළ වේ. මීට අමතරව මෝටර් හයිබ්රිඩ් තාක්ෂනය, විදුලි මෝටර් රථ පිළිබඳව අබබෝ.දයක් ලබා ගත හැකිය
පාඨමාලාවේ අන්තර්ගත සම්පූර්ණ කරුණු පිළිබඳව දන ගැනීමට අපගේ “විෂයමාලා” පිටුවට යොමු වන්න
ඔබ මෙම පාඨමාලව තෝරාගන්නේ නම් මෝටර් රථ විදුලි ශිල්පය පිළිබඳව ඔබේ දැනුම පොත පත පරිශීලනය කිරීමෙන් සහ ප්රයෝගික පුහුණව සඳහා ආයතන වෙත අනුයුක්ත කරන විටදී ලබා ගත යුතුය.
Automobile Electrician
මෝටර් රථ විදුලි ශිල්පී
මෝටර් රථ විදුලි පද්ධති, ලයිට්, පණගැන්වීමේ පද්ධතියෙන් ආරම්භ වී පරිගණක පාලනය, හයිබ්රිඩ්, විදුලි මෝටර් රථ පිළිබඳව අබබෝදයක් ලබා ගත හැකිය.
පාඨමාලාවේ අන්තර්ගත සම්පූර්ණ කරුණු පිළිබඳව දන ගැනීමට අපගේ “විෂයමාලා” පිටුවට යොමු වන්න
ඔබ මෙම පාඨමාලව තෝරාගන්නේ නම් මෝටර් රථ කාර්මික පාඨමාලාවට අදාලව ඇතැම් කොටස් පිළිබඳවද අවබෝධයක් ප්රයෝගික පුහුණව සඳහා ආයතන වෙත අනුයුක්ත කරන විටදී ලබා ගත යුතුය. ඔබට ක්ෂෙත්රය තුලඉක්මනිම්ම ඉහලට යාමට අවශ්ය නම් අප නිර්දේශ කරනු ලබන්නේ මෙම පාඨමාලවයි
Automobile Mechanic
මෝටර් කාර්මික ශිල්පී
මෝටර් රථ කාර්මික ශිල්පය පිළිබඳව අවබෝදයක් ලබා දේ. විශේෂයෙන් එන්ජිම, ගියර් පද්ධතිය , වැනි යාන්ත්රික පද්ධති ගැලවීම අලුත්වැඩියාව මෙයට අදාළ වේ.
පාඨමාලාවේ අන්තර්ගත සම්පූර්ණ කරුණු පිළිබඳව දන ගැනීමට අපගේ “විෂයමාලා” පිටුවට යොමු වන්න
වැදගත් – ඔබ මෙම පාඨමාලව තෝරාගන්නේ නම් මෝටර් රථ විදුලි ශිල්පය පිළිබඳව ඔබේ දැනුම පොත පත පරිශීලනය කිරීමෙන් සහ ප්රයෝගික පුහුණව සඳහා ආයතන වෙත අනුයුක්ත කරන විටදී ලබා ගත යුතුය.
Auto painter
මෝටර් රථ පින්තාරු කිරීමේ ශිල්පී
මෝටර් රථ වර්ණ ගැන්වීම / වර්ණ වෙනස් කිරීම / පිලිබඳ අවබෝදයක් ලබා ගත හැකිය. මෙම පාඨමාලාව ඔස්ට්රේලියාව, නවසීලන්තය ඇතුළු රටවල ඉමහලම ඉල්ලුමක් පවතින පාඨමාලාවකි. කෙසේ වුවද වර්ණ ගැන්වීමේදී ඔබ ආරක්ෂක උපකරණ (මුහුණු ආවරණ වැනි දෑ ) සැමවිටම භාවිතා කිරීමට වගබලා ගත යුතුය. නැතහොත් සෞක්ය ගැටළු පසු කාලීනව මතු විය හැකිය.
කෙසේ වුවද වර්ණ ගැන්වීමේදී ඔබ ආරක්ෂක උපකරණ (මුහුණු ආවරණ වැනි දෑ) සැමවිටම භාවිතා කිරීමට වගබලා ගත යුතුය. නැතහොත් සෞක්ය ගැටළු පසු කාලීනව මතු විය හැකිය.
Auto Tinker
ටින්කර් කාර්මික ශිල්පී
මෝටර් රථ බඳ අලුත්වැඩියාව පිළිබඳව අවබෝධයක් ලබා දේ. මෙම පාඨමාලාවේදී විවිද පෑස්සීමේ ක්රම පිළිබඳව පුහුණු විය හැක. මෙම පාඨමාලාව ඔස්ට්රේලියාව, නවසීලන්තය ඇතුළු රටවල ඉමහලම ඉල්ලුමක් පවතින පාඨමාලාවකි.
මෙම පාඨමාලාව සමග ඔබ කාර්මික ශිල්පී පාඨමාලාවේ ඇති මෝටර් රථයේ විදිධ යාන්ත්රික කොටස් ගැලවීම සහ සවිකිරීම පිළිබඳව නිසි අවබෝධයක් ලබා ගත යුතුය.
Machinist
යන්ත්ර ශිල්පී
මෝටර් රථ එන්ජින් සහ අනෙකුත් යකඩ ආශ්රිත ලියවන පට්ටල් වැඩ (එන්ජිම් යකඩ කොටස් අලුත්වැඩියාව) යකඩ කොටස් නිෂ්පාදනය කිරීම මෙම පාඨමාලාවේදී ඉහෙන ගැනීමට හැකි වේ. මෙම පාඨමාලාව මෝටර් රථ ක්ෂෙත්රය සහ කෙලිම්ම සම්භන්ද නොවුවත් ලියවන පට්ටල් ආශ්රිතව රැකියාවක් ලබා ගත හැකිය.
කෙසේ වුවද මෝටර් රථ නිෂ්පාදකයින් වැඩි වශයෙන් කොටස් වශයෙන් එන්ජිම අලුත්වැඩියාවට දැන් උපදෙස් නොදෙන නිසා මෝටර් රථ වලට අදාලව අනාගතයේදී ඔබට වැඩ නොලැබී යාමට හැකි වුවත් අනෙකුත් ලියවන පට්ටල් වැඩ වල අඩුවක් වන්නේ නැත. එමෙන්ම මෙම පාඨමාලාවෙන් ඔබ මෝටර් රථ සමාගමක විදේශ රැකියාවක් බලාපොරොත්තු වන්නේ නම්, එය අනෙකුත් පාඨමාලා තරම්ම රැකියා සුලබ පාඨමාලාවක් නොවන බව මතක තබා ගත යුතුය. නමුත් මෝටර් රථ නොවන නිෂ්පාදන සමාගම් වල දේශීය සහ විදේශීයව ඉහල ඉල්ලුමක් පවතී.
Automobile AC Technician
මෝටර් රථ වායුසමන ශිල්පී
මෝටර් රථ වායු සමීකරණ පද්ධතිය පිළිබඳව සහ එහි අලුත්වැඩියාව පිලිබඳ අවබෝධයක් ලබා ගත හැකිය.
කෙසේ වුවද මෙම පාඨමාලව පමණක් හැදෑරීමෙන් ඔබට පරිණත තාක්ෂණික ශිල්පියෙක් බවට පත්වීමට හෝ විදේශ රැකියාවකට අවශ්ය දැනුම ලබා ගත නොහැකි අතර මෝටර් රථ විදුලි ශිල්පය පිළිබඳව දැනුමද ලබාගත යුතුය.
Motorcycle Technician
යතුරුපැදි කාර්මික ශිල්පී
යතුරුපැදිවල කාර්මික ශිල්පය පිළිබඳව අවබෝදයක් ලබා දේ. විශේෂයෙන් එන්ජිම, ගියර් පද්ධතිය , වැනි යාන්ත්රික පද්ධති ගැලවීම අලුත්වැඩියාව මෙයට අදාළ වේ. අමතරව විදුලි පද්ධති පිළිබඳවද අවබෝදයක් ලබා ගත හැකිය
2026 වන විට අරාබි රටවල ද යතුරු පැදි භාවිතය ඉහල ගොස් ඇති බැවින් ඉදිරියේදී මෙම රැකියාව තුලද ඉහල ඉල්ලුමක් ඇතිවෙතැයි සැලකිය හැකිය
මෝටර් රථ ක්ෂේත්රය හා සබැඳුනු අමතර පාඨමාලා
වැඩි විස්තර සඳහා අදාළ පාඨමාලාව ක්ලික් කරන්න. ප්රධාන පාඨමාලා තරම් නොවුවත් මෙම පාඨමාලා හෝ විෂය පත මගින්ද රැකියා බිහිවී ඇත.
Automobile Deisel Mechanic
මෝටර් රථ ඩීසල් කාර්මික ශිල්පී
මෝටර් රථ ඩීසල් එන්ජිම් පිළිබඳව වැඩි අවධානයක් ලබාදෙමින් ඩීසල් එන්ජිමේ ක්රියාකාරීත්වය සහ එහි අලුත්වැඩියා කටයුතු පිලිබන්දව අවබෝධයක් ලබා දේ.එමෙන්ම විශේෂයෙන් බර වාහන ඩීසල් එන්ජිම් පිළිබඳවද ඉගෙන ගැනීමට හැකිය
කෙසේ වුවද ඩීසල් එන්ජිම් බොහෝ විට බර වාහන වල දක්නට ලැබෙන නිසා ඔබට රැකියාව කිරීමට ලැබෙන්නේද බර වාහන වල බව මතක තබා ගත යුතුය. ප්රධාන පාඨමාලා තරම්ම විදේශ රැකියා බහුල නොවුවත් ඔස්ට්රේලියාව වැනි රට වල බර වාහන වල අලුත් වැඩියාව සඳහා කාර්මික ශිල්පීන් බඳවා ගැනේ. ඒ නිසා එමගින් ඔබට රැකියාවක් සොයා ගැනීමේ ඉඩ පවතී.
Auto Color Mixer
පින්තාරු වර්ණ සැකසුම් ශිල්පී
මෝටර් රථ පින්තාරු / වර්ණ ගැන්වීම සඳහා විවිද වර්ණ මිශ්ර කරමින් වර්ණ ගැලපීම මෙගි කාර්යයයි. මේ වන විට මේ සඳහා වර්ණ ගැලපුම් යන්තර භාවිතා කරන අතර ඇතැම් විට යන්ත්ර වලින් ගලපා ගත නොහැකි වර්ණ සදා ගැනීමට පින්තාරු ශිල්පියෙක් වශයෙන් ඉහල අතදකීමක් ලබා ගෙන සිටිය යුතු වේ.
මෙම විෂය පථය සඳහා වෙනම පාඨමාලා නොමැති අතර පින්තාරු ශිල්පය ප්රගුණ කර ඇති අයෙකු සඳහා මෙම විෂය පථය ගැලපේ.